Ég ætla ekki að setja inn uppskriftina "mína" af bestasta kryddbrauði ever. Frekar vil ég bara fá þig í heimsókn til að bragða á henni ;)

Laters...

Stundum fer ég frekar nákvæmlega eftir uppskriftum en ég á það samt til að breyta þeim oft og haga að innihaldi minna skápa hverju sinni. Við eldum ekkert voðalega oft fisk hérna á heimilinu en sonurinn fær fisk öruggt 2-3svar í leikskólanum og þar af leiðandi erum við frekar róleg með þetta. Hinsvegar get ég sagt það að okkur finnst hann samt góður þegar við höfum okkur í að matreiða hann ;)

Las uppskrift á netinu og ákvað að prófa en gleymdi svo að kaupa nokkra hluti. Lét því einmitt það sem ég átti duga og við vorum ágætlega sátt bara.

Fiskur-nokkrir bitar t.d. ýsa eða steinbítur
Camembert
Ananas (uppskriftin sagði epli sem er án efa mjög gott en ég notaði hið fyrrnefnda)
4 sneiðar bacon
ca. hálft box sveppir
Paprikukrydd-þess má geta að mamma keypti eitthvað svakalegt paprikukrydd í Búlgaríu, verðið ykkur úti um gott stuff!

Fiski er velt upp úr hveiti krydduðu með salti og pipar og svo er hann brúnaður. Á meðan eru sveppir og bacon (skorið niður) steiktir á pönnu og að lokum henti ég ananas út í. Geymið safann af ananas því það gæti verið sniðugt að hella smá út á, áður en þetta fer inn í ofninn.

Leggið fiskbitana í eldfast mót og hellið öllu þessu steikta yfir. Skerið cammebert í sneiðar og leggið yfir og kryddið að lokum með paprikuduftinu. Inn í ofn í einhvern smá tíma á einhverjum hita en passið að ofelda ekki því þá verður fiskurinn ekkert spes ;) Þetta vitiði...

Hafði með þessu belgbaunir sem ég henti út í bráðið smjör (eftir að hafa soðið baunir í 2-3 mín). Velti upp úr smjörinu og setti ca. 3 msk af hunangi út í og salt og pipar. Mjög einfalt og ofsa gott. Ég kaupi frosnar baunir (kreppan and all) og þær er bara flottar.

Þess má geta að í uppskriftinni átti líka að vera hálf paprika og já epli í stað ananas og það væri ráð að prófa það líka. Þetta er "þurrt", þ.e. ekki sósað og því gott að hafa sýrðan eða annað með. Örugglega alveg hægt að blanda matreiðslurjóma við sveppa-bacon dótið, en þá kemur bráðnaði camembert osturinn ekki eins út. ALlt má þó prófa-allt leyfilegt ;)


Næst...ætla ég að gera eitthvað sneddí og taka mynd! Vá!

Andvaka og ákváð því að henda inn uppskrift sem ég hef gert og gerði einmitt áðan til að taka með sem nesti í helgarútileguna.
Japanir nota svona mikið í Bentoboxin sín og þegar veðrið er sem heitast gera þeir einmitt mikið af svona köldum réttum. Þessi er einfaldari en allt en bragðið er bara ummmmm. Uppskriftin er nokkurn veginn frá Nigellu.

Soba núðlur með sesam

• 250 gr. af Sobanúðlum (bókhhveiti og eiturhollar en ef þær finnast ekki er ekkert mál að nota heilhveiti eða spelt spaghetti-látum hvíta hveitið vera að þessu sinni.
• Handfylli af ristuðum sesamfræjum-þetta smakkið þið til en sumir vilja meira og aðrir minna
• 2 tsk hrísgrjónaedik
• 5 tsk soja
• 2 tsk hunang
• 2 tsk sesam olía
• 5 vorlaukar saxaðir

Sjóða núðlur í söltu vanti (þið munið þetta með vatnið ;)). Þegar þær eru tilbúnar á að hella heita vatninu af og setja þær í skál eða aftur pottinn í ískalt vatn, jafnvel með ísmolum í. Blanda blauta saman og svo við núðlurnar, henda lauk og fræjum yfir og hræra öllu saman. Best er að láta þetta standa aðeins áður en borðað. Þetta er frábært í nestisbox-hjá börnum og fullorðnum og meinhollt :)

Suma daga skelf ég af pasta löngun. Reyndar kemur ítalskur oft upp í hugann þegar mig langar í eitthvað gott en um leið hearty og ekki skemmir ef það tekur stuttan tíma í gerð og gjörð ;)
Er með tvær einfaldar uppskriftir sem gæla við bragðlaukana án þess þó að maður þurfi einhverjar gráður til að moða úr uppskriftinni. Á margar kokkabækur sem innihalda að mestu ítalskan mat og svo er sterk ítölsk fjölskyldutenging sem hefur án efa haft áhrif á mig. Elska einfaldega ítalskan mat!
Þannig að, ef þú ert ekkert endilega í stuði til að svitna yfir eldavélinni en langar þó og vilt bjóða fjölskyldunni eitthvað annað en eitthvað annað, þá gætirðu prófað þessar ;)

Sítrónu ricotta pasta
500 gr. pasta-helst penne eða önnur "rör" en það er best til að halda bragðinu í hverjum munnbita
ca. 2 bollar af ricotta osti-hann fæst hérna núna og ef mig minnir rétt þá er til íslenskur en...það er hægt að svindla (google it) með kotasælu, eggi og einhverju...
bolli af rifnum parmesan-maður á alltaf að eiga ferskan parmesan í ískápnum-annað er glæpur
2 msk ólífuolía
fínt rifinn börkur af einni sítrónu
safinn úr hálfri sítrónu
1/2 tsk sjávarsalt
1/2 tsk pipar
ca. lítil handfylli af söxuðum basil

Sjóðið pastað og munið (þetta heyrði ég frá gömlum ítala) að salta vatnið það vel að það er í rauninni eins og sjórinn...Blandið öllu hinu-nema basil- saman í álskál og þegar um 2 mín eru eftir af pastanum, setjið skálina yfir pottinn "vermið" gumsið saman. Þegar pastað er svo tilbúið, sigtið það og blandið gumsi og basil saman við.

Það er alveg hægt að henda smá kjúlla út í en mér persónulega finnst svona kjötlaust pasta ó svo gott :) Eins er hægt að bæta við basilmagnið og/eða sítrónusafann en ég hef einmitt einu sinni sett alltof mikið af safa og það var ekkert gott.

Njótið!

Vodka Penne
Þetta er klassískur réttur og fæst á morgum svona (he)eldri ítölskum stöðum. Ég varð ástfangin af honum og ef ég ætti oftar vodka þá myndi kella heldur betur liggja í þessu!

500 gr. penne pasta-enn og aftur má nota önnur rör en penne hence Vodka Penne ;)
2 msk ólífu olía
2 hvítlauksgeirar-kramdir, kreistir eða hakkaðir smátt-you choose!
tómatar í dós-heilir helst
halfur bolli af ferksum basil
salt og pipar eftir smekk
1/4 bolli vodka
ca. hálfur l af rjóma

Svissið hvítlaukinn í ólífuolíunni í 1-2 mínútur. Passið að brenna ekki laukinn því þá kemur skrítið bragð af honum...Hendið tómötum út í og kremjið þá með gaffli-hérna hugsa ég að í lagi væri að nota í staðinn hakkaða tómata úr dós. Setjið út í basil, salt og pipar og látið malla í 15 mín ca. Hellið vodkanum út í (ef þið eruð ekki búin með hann hoho) og eldið áfram í ca. 15 mín. Sjóðið pastað eins og venjulega og sigtið. Blandið að síðustu rjómanum við sósuna og fléttið saman við pastað. Einfalt ekki satt? Unaður.is


Þetta eru svo einstaklega einfaldar uppskriftir að hundur gæti sennilega gert þær!

Ég elska Bernaise sósu og man þá daga með slefi í munni er við Ragga sulluðum slíka snilldar sósu í NYC hérna í den (hef afar sjaldan eftir það fengið mér svona). Þá keyptum við okkur iðulega hræódýra og sennilega klórhreinsaða (önnur saga) steikarbita og franskar af "Spænsku" og drekktum þessu öllu í sósunni góðu. Ég fékk því smjörþefinn af himnaríki og fann í raun svitalyktina af Lykla-Pétri er ég fann um daginn svindl uppskrift sem innihélt bragðið og bíðið, kjúkling. Ohhh, sæta heilaga María og allar smyrsldömurnar hennar! Þetta er einn sá allra einfaldasti og alveg tilvalinn þegar manni langar í eitthvað gott en er ekki alveg í allaleiðbernaise!

4 kjúklingabringur-ég sneiði þær eða elda bringurnar heilar
2-3 tsk Dijon sinnep
Estragon slumpa og algerlega eftir smell
2 tsk Bearnaise essence (ljúfa ljúfa)
1 stk kjúklingakraftsteningur
Hálf ferna matreiðslurjómi

Brúnar kjúllann og hendir hinu út í-lætur malla í ca. 15 mín og reddí! Hef haft þetta með hrísgrjónum og salati eða öðru grænmeti. Svo er sniðugt að sjóða tagliatelle og hafa með í stað grjóna. Þetta er rjómaréttur og því þungur í maga en samt svo unaðslegur að maður má, maður verður. Rétturinn er á mallinu as we speak og því rétta að klára dæmið-slurp slurp!

Ætla að gera þetta oftar, þ.e. henda inn uppskriftum. Ekkert rocket science né það allra nýjasta en mér finnst það gaman!

Jæja...

2008 á enda og þegar ég hugsaði áðan (eftir að hafa lesið annan) um svona annála, þá hélt ég í fljótu bragði að þetta ár hefði nú barasta verið tja normal. En mig langar að telja upp, eða reyna enda er minnið slappt eftir ofát síðustu daga. Það er eins og heilinn eða minnishluti hans, þrútni eða leki út þegar ég ét of mikið...

Janúar: Fór aftur að vinna eftir gott en stundum erfitt barnseignaorlof. Fínt að komast aftur í rútínu en gasalega erfitt. Húsböndurinn tók þó við í feðralorlofi þannig að barnið var í bestu höndum. Byrjaði svo á B.A. ritgerðinni og öðrum kúrsum á mínu síðasta misseri í KHÍ.
Febrúar: Byrjaði í vettvangsnámi og hérna varð mikið að gera. Sólarhringarnir urðu sem einn og það eina sem ég gerði var að reyna. Reyna að jöggla vinnu, námi og fjölskyldu. Hérna var þó ballið rétt að byrja.
Mars: Unaðurinn varð eins árs! Hélt áfram að jöggla en svo duttum við (þá kærasti) vel á hausinn og ákváðum að fjárfesta í íbúð í Vesturbænum. Úff, hérna byrjaði MIKIL vinna og þá aðallega fyrir B en hann eyddi mestum tíma fyrir utan vinnu í að gera upp þennan draumastað. Þessi uppgerð varð reyndar meiri eða tímafrekari en við áttum von á.
Litli gaur fékk pláss hjá dagmömmu á meðan mamman jögglaði.
Apríl: Same ol same ol. Man varla eftir mér á neinum einum stað.
Maí: Þarna fór að styttast í lok skólagöngunnar minnar og ég kláraði vettvangsnámið. Stundaði því bara venjulegt nám og vann. Plön voru gerð og inn á milli í allri geðveikinni voru nokkrar skemmtilegar ákvarðanir teknar.
Júní: Útskrift, tja reyndar var 30 ára afmælið fyrst en svo fékk ég skírteinið. Fór reyndar ekki á útskriftina því ég er náttúrulega way too cool for school! Fór þess í stað á ættarmót sem var fjör.
Júlí: Litla fjölskyldan flaug saman til NYC og á þeim örlagaríka og raka degi 4ða júlí, vorum við B gefin saman í Tompkins square park í East Village. Enginn vissi af þessu og engin(n) nema sú sem gaf okkur saman, ljósmyndarinn og að sjálfsögðu gauri gaurs voru viðstödd! Skáluðum eftir þetta í hvítu og fengum okkur súkkulaðiís. Um kvöldið var ætlunin að sjá mega flugeldasýninguna við Hudson enda í göngufæri en við enduðum fyrir framan imbann. Tjúllað teiti hjá hússtýru gistiheimilisins en við ekki í nenninu. Ánægð mé félagsskap hvors annars I guess. Magnaður dagur! Og undirbúningur skemmtilegur :)
Ágúst: Vinnan og leikskólalífið hófst hjá frumbanum. Ég sem þroskaþjálfi og svo einnig sem nemi í ensku við HÍ. B, þá enn, sem plumbari og gaurmundur orðinn leikskólastrákur.
September: B breytti um vettvang og varð verkefnastjóri hjá ÍTR og við mæðgin áfram að gera það sama í rauninni. Fluttum inn í draumaíbúðina eftir langa, marga marga mánuða-renovation!
Október: Já nú fer þetta að verða þunnt, vorum eiginlega bara í spennufalli í október-svo sátt við að vera endanlega flutt hingað. Brjálað að gera hjá öllum í vinnu og skóla.
Nóvember: Eitt stórt spurningamerki? Allt við það sama I guess-ekkert merkilegt kannski...
Desember: Próf og almennt þannig ógó og ég tók ákvörðun um að vera bara að vinna næstu önn. Hvergi búin að vera 100% og komin tími til að slaka aðeins á. B skráði sig í fjarnám í HÍ þannig að það verður hvort eð er nóg að gera hjá okkur.
Fögnuðum jólum og áramótum eins og gengur og gerist nema í þetta sinn buðum við heim á gamlárs (tengdó) og fannst mér heppnast vel. Spurning um að hafa alla saman á næsta ári-get alveg eldað fyrir hópa :)

Gleðilegt ár!

Ástandið, tja kannski getum við einhvern tíma horft tilbaka og hugsað bara um "ástandið". Hugsa samt ekki, kreppan er víst skollin á og það vel. Fróðir segja þetta aðeins byrjunina og að sumir (þar á meðal ég) geri sér ekki grein fyrir alvarleika. Já ég viðurkenni að ég geri mér ekki alveg grein fyrir en hver gerir það svosum? Ég meina, hver getur alveg hundrað prósent gert sér grein fyrir því sem koma skal?

Á meðan allt fer til helvítis (afar gróft til orða tekið), þá minni ég mig á hvað ég hef það gtt. Já já, væmið, klístrað og allt það-en alveg satt. Ég bý í afar hlýrri og góðri íbúð. Vatnið rennur enn og í búðum er matur. Við sveltum ekki og munum ekki gera það. Við erum nefnilega svo ofsalega flottur hópur fólks. Ekkert óklár og getum gert magnaða hluti. Fyrir utan það, þá bý ég með tveimur undraverðum strákum sem auðvelda mér svo margt.

En enda á quote úr öðrum pósti frá félaga í UK. Aðdragandinn var þegar ég sagði að kalda veðrið sem var á leiðinni til UK fyrir helgi frá okkur, hefði verið ætlað PM Brown og Darling darling:

'They come from the land of the ice and snow, the midnight sun where the hot springs blow. Hammer of the gods'. Guess we'd expect nothing less! Anyway, as any consolation just watch things nosedive over here over the next 6 months. Its going to be like a scene from 'Escape from New York'. You guys have the highest literacy rate in the world and could be employed anywhere. We have people who shit in the streets....."


Peace out!