Þarf að skoða lífeðlisfræðina aftur því ég er farin að hafa smá áhyggjur. Ekki bara tæpa ég annað hvort orð vitlaust eða öfugt inn, heldur er ég einnig farin að taka eftir því að á síðustu dögum hef ég farið í allt öfugt. Kannski ekkert stórmál en samt mál fyrir dömu sem planar það hvernig og hvar hún klæðir sig í fötin mörgum dögum áður. En sem sagt, nærbuxur, náttbuxur og fleira er bara miðinn fram þesa dagana. Allt eitthvað svo öfugsnúið hjá mér þessa dagana.

Svo annað, veit ekki hvort þetta falli undir eitthvað ófundið heilkenni, en ég hef alveg frá því ég man eftir mér elskað að borða bara áleggin-þúst skinkuna, ostinn og þar fram eftir götunum. Læt samt smjörið vera.... Þetta gera margir. En...ég hef líka mikla ánægju af því að borða franskar grænar baunir, súrar gúrkur, ólífur, aspas og fleira beint upp úr dósinni.
Var rétt í þessu að klára eina baunadós og nammi!

Önnur færsla dagsins, humm spurning um að einhver eigi að vera að gera eitthvað annað...