Furðulegt að vera svona í vinnunni, þar sem oftast er heilmikið að gerast og svaka fjör alls staðar-en núna bara voða rólegt, allir að gera sína hluti...vantar þessa gemlinga ;) En já, spennandi tímar framundan, mun fást við spennandi verkefni ef hægt er að kalla það því nafni, í haust. Er komin með stofu sem akkúrat núna í þessum töluðu orðum er verið að tæma, þar sem hún hefur verið notuð sem svona milli-geymslu. Ekkert nema gott en ferlega er mikið af dóteríi hérna, saga skólans í húsgögnum og öðrum munum. Fann forláta tölvumaskínu áðan sem maður sér bara í bíómyndum frá ca. 1983 og var í alvöru að hugsa um að hirða hana til skrauts. En hætti við, því annars endar mín íbúð sem safn og kannski eins og geymslur þessa skóla! No thank you :) En merkilegt safn engu að síður. Ég fer svo að sanka að mér dóti og þess háttar sem ég get notað í haust og í framhaldinu. Því auglýsi ég hér með eftir borðspilum og þess háttar sem fólk er hætt að nota. Videospólur og dvd eru líka af hinu góða og má alveg henda því til mín í stað þess að dúndra því á haugana :)

Jæja, farin að taka meira til!