Þrisvar í viku er ég mætt klukkan 6.20 sharp í Hreyfingu í svaka prógram. Þetta þýðir að vekjaraklukkan er stillt klukkan 5.30...það er ef ég er sofnuð en í nótt sváfum við skötuhjú ekkert.

Mér finnst þetta æðislegt, hef alltaf verið fljót að vakna og svo þetta að skella sér út í crispy haustmorguninn þegar það er enn smá dimmt. Á meðan við erum í tímanum birtir smám saman og svo á endanum eða í slökunarhlutanum, kemur sólin upp. Aldrei hefur mér fundist eins gaman í "leikfimi", tímarnir þjóta áfram og ég get sagt ykkur það að kvöldin áður hlakkar manni beinlínis til! Í næstu viku ætla ég svo að bæta einu degi við og setja Hrafnkel í gæsluna. Verður spes en mikið ofsalega höfum við gott af þessu!

Ekki skemmir svo fyrir að árangurinn er þegar farinn að láta vita af sér, vigtun á föstudögum og ég fór brosandi út í morgun ;) Ég ætla ekki að vera gróf og segja "bumban burt 2007" en hún er samt að fara á næstu ummm mánuðum ;) .

Ohh hvað ég er orðin mikil kona! :)