Jæja já, annað hvort er ég sofandi eða lærandi. Allavega núna. En núna er törnin tekin við og byrjuð en sem betur fer verður hún ekki löng, bara ströng í stuttan tíma. Klukkan 13:00, næstkomandi föstudag, verð ég búin í prófunum. Og þá tekur sko jólastússið við. Veit ekki hvort ég búi til kortin eins og alltaf en í ár ætlum við allavega að baka piparkökur og búa til konfekt. Er alveg komin í gírinn, komin með fullt af jólaljósum, meira að segja með gyðingaljós sem okkur voru gefin.

Fór allt í einu að hugsa um London, hvernig það var alltaf í jólaundirbúningnum en hérna er miklu meira kósý. Reyndar þar þá gáfu foreldrarnir okkur litlar gjafir,aðallega konfekt og vín og finnst mér að þau ættu að gera það hér líka hahahahah. Ef við reiknum dæmið, ca.55 börn sem koma í námsverið-->það er hellingur. Nei ég er að grínast, en samt var voða sætt að fá smá svona frá foreldrunum úti-enda vissu þau upp á hár hvað við máttum þola dags daglega, og miklu meira en þau-enda voru þau annað hvort í skólanum eða í einhvers konar eftirskóla-care-svo heim að sofa. blablabla.

Núna er ég voða dugleg að skrifa, enda á ég að vera að klára verkefni. Tákn með tali sönghefti og barnasögu og fl. skemmtilegt. Get í rauninni ekkert byrjað að pæla í prófunum fyrr en ég er búin að skila öllu af mér og inni í þeim pakka er 25 bls. ritgerð!
Já lífið leikur við mig en ég kvarta ekki ;)