Fínt mikið að gera í vinnunni en þó stend ég mig oft að því að standa bara og snúast í hringi. Stofan að verða tilbúin og sumir sem koma niður í heimsókn commenta iðulega á þá staðreynd að það sé enginn gluggi og halda að mér finnist þetta voða slæmt, en mér finnst það bara alls ekki. Þarna ætla ég mér stóra hluti (grín) og líkar bara vel við þetta góða pláss.

Ætluðum upp í bústað um helgina en hann er upptekinn, smá vonbrigði þar sem við erum miklu meiri sveitalúðar en svona hinn meðalmaður. Pínku súr út af þessu. En læri bara hérna í staðinn en fékk einmitt kennsluáætlun í einu fagi í gær og á heldur betur að lesa áður en ég mæti í næstu viku. Og haldiði ekki að okkur hafi hefnst fyrir allt vælið í sambandi við fávitann á annarri hæðinni, jú-hann ætlar sem sagt að framleigja certified kynlífssjúklingi íbúðina. Og þetta er ekki grín.
Það varð svaka lögguhasar hérna í blokkinni vegna ofurteitis á aðfaranótt þriðjudags-meira að segja konan í blokkinni á móti hringdi á lögguna. Bý ég í Keflavík? Mér er spurn.

Anyways, fullt að gerast, stjórn starfsmannafélags skólans er víst eitt af því, en mér til mikillar furðu var ég kosin í það félag/ráð. Hvað er fólk að pæla??

Farin í fýlu en ekki lengi, langar svo út úr bænum......