Vil benda á litlagris.blogspot.com. Hef lítinn tíma í annað ;)

Peace out

Mér finnst pínku lítið eins og allt sé á hold þessa dagana. Ég er ekki farin að bíða bíða, en finnst samt eins og allt standi kyrrt. Ég má í rauninni voða lítið gera og eyði því miklum tíma bara heima. Það er voða kósý og margir búnir að segja mér að nota þennan tíma vel, hvíla mig með sjálfri mér. Svefnmynstrið er skrýtið, finnst betra að sofa á daginn og ég get stundum með engu móti fest svefn á nóttunni. Hugsaði mér því gott til glóðarinnar í kvöld/gær; ætlaði að reyna að halda áfram með ákveðna ritgerð sem hefur hangið svolítið yfir mér. Ég hugsaði að kannski ef ég skrifa þangað til ég er orðin voða þreytt, þá sofna ég. Neibb, sofnaði ekki og nú er klukkan að verða 6. Hef aldrei verið eins eirðarlaus í þessari verkefnavinnu, á erfitt með sitja við skrifborðið og einbeita mér. Elskulegu fæturnir mínir eru líka að springa og puttarnir eru dofnir. Þökk sé Herra Bjúg. Ljósmóðirin hefur litlar sem engar áhyggjur af honum einum og sér og segir að ég muni bara pissa honum strax eftir fæðingu. Það verður stuð.

Mikið hefur verið rætt um aðgengi fatlaðra hér í borg. Þetta á ekki bara við fólk sem bundið er við hjólastól heldur allt hitt líka. Má þar nefna matseðla með blindraletri (Braille) og svo blindraletur annars staðar-t.d. við opinberar byggingar (að innan sem og utan). Fór að hugsa hversu langt við erum aftur úr, reyndar veit ég ekkert hvort þetta sé fullkomið annars staðar en já fór að hugsa um þetta þegar ég sturtaði agnardropa af Neutral húðsápunni minni í lófann minn rétt áðan í sturtu. Hef reyndar tekið eftir þessu áður, en það er einmitt blindraletur á brúsanum. Brúsinn, framleiddur í gasilljón eintökum er "aðgengilegur" þessum stóra hópi en samt kostar hann ekki 2000 kall. Neibb bara rétt undir 300. Þetta geta þeir hjá Neutral gert en ekki matsölustaðir borgarinnar. Blindir fara nefnilega líka út að borða ;) Eru ekkert bara alltaf heima hjá sér í sturtu!

Má til með að linka á svolítið merkilegt. Dóttir frænda míns að gera góða hluti...hún er 9. Geri aðrir vetur! Skoðið þetta

Magnað!

Ég á ekki til orð! Skólastjórinn í vinnunni úti er að fara að hlaupa í The Marathon Des Sables. Það er bara 6 daga marathon hlaup yfir Sahara (Marocco), þar sem keppendur hlaupa með sinn búnað og mat fyrir eitthvað charity í ca. 48 stiga hita. Hann er náttúrulega ótrúlegur kall-er á leiðinni á eftirlaun en er sko fit as a bird-tja þú hleypur ekkert í hvaða ásigkomulagi yfir Sahara!
Mér hefur alltaf fundist hann vera soldið merkilegur maður-margir voru á móti honum því hann vildi og er að sameina litla sérskólann sem ég vann í við stærri almenningsskóla. Þetta er brjálæðislegt verkefni sem byrjaði töluvert áður en ég flutti heim. Yngri deildin er komin á nýja staðinn en eldri brjálæðingarnir mínir eru enn á sínum stað. Margir voru reiðir vegna þessarar áætlunar enda börn sem sannast hefur verið að geti hreinlega ekki verið innan um aðra svo glatt. En það er löng saga, ef fólk les bloggið mitt aftur í aldir þá gæti það varpað smá ljósi á það sem ég meina.

En þessi maður sem sagt, hélt ótal svona charity fundi og alls kyns samkomur, sat undir allskonar aðkasti og fleira. Mér fannst hann alltaf æði, á sumrin fara nokkrir útvaldir nemendur í 5 daga og nætur upp í sveit á svona sveitasetur-hann kom með eitt eða tvö skipti og sögurnar sem hann sagði okkur úff! Hann tilheyrði til dæmis sérstökum hóp innan bresku lögreglunnar sem tæklaði ólöglegar fóstureyðingarstofur-þetta áður en fóstureyðingar urðu löglegar. Það er reyndar ekki svo langt síðan þannig lagað, en þar þurftu þeir stundum að tæma híbýli skottulækna sem höfðu að geyma fjöldann allann af svörtum plastpokum fullum af fóstrum. Þessar sögur sagði hann ekki í neinum hetju æsifréttastíl, heldur af sinni stóísku ró sem einkennir hann.

Veit ekki af hverju ég er að skrifa svona mikið um hann, finnst hann bara svo frábær! Jim Wolger þú er hetja!

Haldiði ekki að við séum ekki bara orðnir proud Toyota owners núna? Júbb, fengum svka fínan bíl hjá frændunum í Toyota og svo þegar við skrifuðum undir fengum við gjafabréf fyrir tvo til Evrópu með Flugleiðum. S.s. sumarfrí með í kaupbæti. Tja kannski ekki allt en munar þó um minna-smá spending cash með meira að segja í Saga Boutique ;) Vorum einnig leist út með belgísku súkkulaði og hvaðeina. Æ hvað þetta gladdi mitt hjarta. Þó svo að við höfum elskað litla Golfinn þá fannst okkur að við yrðum að stækka örlítið. Vorum næstum því búin að skipta yfir í station í dag-búin að vera á nýja okkar í viku en eftir 1 og hálfa mín þá ákváðum við að skrifa undir með minni týpuna. Station seinna, very grown up you see ;)

Annars eru sumafríspælingar á fullu, ætli Danmörk verði ekki bara fyrir valinu. En samt allt opið :)