Þetta hérna er bara klassi. Lestur umsagnanna hefur bjargað vikunni, no doubt! Búin að panta diskinn

Hvað er að gerast í þessu þjóðfélagi okkar? Á hverjum degi les maður einhver nýjan eða viðbótar viðbjóð um veika einstaklinga, bæði sem eru að brjóta á öðrum og svo einnig af einhverjum sem eru að sleppa út. Hvað er það? Að sleppa út? Eru dyr eða girðingar ekki til staðar eða er einfaldlega svo lauslega tekið á málunum að menn fá bara að valsa inn og út. Er það þá kallað "að sleppa" þegar þeir skila sér ekki "heim" fyrir einhvern ákveðinn tíma? Eða erum "við" svo upptekin af boltanum að við hreinlega tökum ekki eftir því sem er að gerast í kringum okkur-ekki fyrr en við lesum um það í blöðunum daginn eftir og verðum bara ó, æ æ! Maður spyr sig. Alger krúttklúbbalykt af þessu kerfi hérna sem gerir það að verkum að maður þorir varla út úr húsi af hræðslu við að einhver keyri maður niður á nine wheeler, brjóti á mann höfuðið á leið heim úr bænum eða beri sig og reyni að nauðga manni! Dómarnir eru stuttir sem engir og það mætti halda að við værum milljón á klakanum og bara einn dómari, svo hægt virkar þetta blessaða dómskerfi.

Eitt kemur mér á óvart, skrýtið að hópur foreldra séu ekki búnir að fá dóm fyrir að ganga frá þessum einstaklingum sem eru að brjóta á börnunum. Er ekki að segja þannig ætti að gera, en miðað við það sem maður les af erlendum miðlum þá kemur þetta á óvart.

Það gjörsamlega sýður á mér í hvert skipti sem ég opna blöðin!
****

Farin í pizzu.

Leiði er eitthvað sem ég upplifi ekki oft. Er ofsalega dugleg að finna mér eitthvað að gera og leiðist meira að segja ekki þegar ég er að hanga, hef meira að segja alltaf átt fínt með að dunda mér ein. Hins vegar er ég næstum hætt að geta horft á sjónvarpið ein og gefst bara upp-eitthvað sem mér finnst ögn skrýtið. Þættir sem ég hef beinlínis slefað yfir eða urrað ef ég missi af, fá bara að þjóta. Get í mesta lagi horft á matreiðsluþætti á BBC food.
****
Umræðan á tja kannski öðru hverju bloggi bæjarins er blessaður Gumminn í Byrginu. Blessaður segi ég, en er hann það? Það er á tæru að Guðmundur verður ekki vinsælt í skírnum landsins á næstu misserum, rétt eins og Valgerður eða Saddam og fleiri skemmtileg nöfn. Ég hef allavega skoðun á þessu máli, eiginlega nokkrar en ætla ekkert að tíunda þær neitt hér. Einhver þarf samt að taka málin í sínar hendur, þ.e. úrræðin þurfa að vera fleiri og peningarnir þurfa að fara á rétta staði. Og í guðanna bænum, þessi ekki benda á mig leikur er brandari!
***
Hvað fleira, jú fæðingarorlofið. Er að verða búin að fylla út pappírana en þetta er ekkert grín! Bara fyrir mig sem móður þarf ég að fylla út 3 mismunandi eyðublöð með tilheyrandi undirskriftum en eyðublaðaútfyllingin er svosum ekkert það versta. Það versta er að hvergi er hægt að fá almennilegar upplýsingar um það hvernig maður skiptir orlofinu niður eða í raun hvernig maður má skipta því. Það er víst hægt á alla vegu og á endanum hef ég komist til botns í málinu. Við sjáum svo til hvort ég fái ekkert orlof en B ætlar að fá það staðfest hjá þeim í næstu viku að allt sé rétt útfyllt. Annars lendir maður í því að heyra ekkert í þeim og svo getur gerst að ekkert orlof komi. Einn vinalegur sem stóð í þessu bara núna síðast í sumar benti mér á að kíkja bara "uppeftir", þ.e. að hann og barnsmóðir hann hefðu bara fyllt allt út með ráðgjafa á staðnum. Já kíkja sagði ég, en í þessari færð er ég ábyggilega 4 klukkutíma að keyra þangað-aðra leið. Fæðingarorlofssjóður er nefnilega fluttur á Hvammstanga.....
***
Nú þessa dagana er minnið smátt og smátt að hverfa en ég fjárfesti í góðri dagbók um daginn til að sporna við þessu vandamáli. Ég er í raun eins og vel útblásinn og ofurþybbinn gullfiskur sem getur labbað á landi og keyrt bíl. Allt sem er of flókið skil ég illa og öðru gleymi ég eftir 5 mínútur. Einhver fróð móðir sagði að þetta ætti bara eftir að versna og því ákvað ég að vera bara jákvæð, æ er ekki bara fínt að vera oblivious.

Ég hlakka svo til að byrja í skólanum en þá líður tíminn kannski hraðar. Reyndar veit ég ekkert af hverju ég er að segja þetta, því mér finnst tíminn líða bara alveg nógu hratt. 10 vikur eftir og fullt sem maður á eftir að ganga frá....

Fæðingarorlofið er brandari út af fyrir sig, þ.e. umsóknin. Búið að flækja þessi mál eilítið, bæta nokkrum pappírum við og senda sjóðinn sjálfann á Hvammstanga. Það er nú reyndar allt í lagi en vonandi bætti þetta atvinnumálin í bænum.

Annars er maður sprellandi hress, stundum á kvöldin er ég reyndar voða þreytt og þar af leiðandi voða ólétt en svo vakna ég sprellandi aftur og allt er í lagi. Erum síðustu kvöld búin að horfa á nokkra þætti af Studio 60. Fínir þættir og ágætis tilbreyting frá öllu yfirnáttúrulega og spooky. Reyndar sagði B að "þeir" hefðu ákveðið að framleiða bara þessa 11 fyrstu þætti. Skil ekki því þeir eru jú fínir. En gruna að það séu Bandaríkjamenn sem séu ekki að skilja húmorinn en þátturinn fjallar í stuttu máli um svona late night show á NBC, þar sem grín er gert af pólítík þar í landi og fréttum líðandi stundar.

Jæja, aftur að vinnunni. Chao.

Nú er lífið að komast í fastar skorður eftir jólafríið og hversdagsleikinn farinn að rúlla sinn hring. Finn þó að ég er oggu ponku lítið þreyttari en venjulega en það er eflaust bara eðlilegt. Ég hlakka mikið til að byrja í Kennó aftur, eitthvað sem morgum finnst kannski skrýtið, en það er nú bara einu sinni staðreynd að þegar það er mikið að gera líður tíminn hraðar og við vitum öll eftir hverju er verið að bíða á þessu heimili! Annars erum við afar róleg yfir þessu, einn dagur í einu jú nó ;) Erum svona farin að skipuleggja uppröðunina á heimilinu ef svo má segja, þ.e. hvar og hvernig herbergin verða. Fluttum aftur í stóra herbergið og guð hvað gellunni fyrir ofan á eftir að bregða þegar hún fer að heyra grátur hehe. Ætli hún eigi eftir að kvarta út af hávaða eins og sambýlismaður hennar gerði um daginn. Það vorum reyndar ekki við en hann vogaði sér samt að kvarta um hávaða frá hundum að degi til, og konan sem á hundana, sem by the way gelta ör-örsjaldan, er búin að búa hérna í tæp 30 og sér algerlega um okkur hin í blokkinni. Ég varð svo hneyklsuð að ég gat ekki einu sinni bloggað um þetta. Djössins andlitstmálaði lúser sem býr fyrir ofan okkur og gæran með honum. Pakk!

Anyways, fluttum aftur í the master bedroom og settum saman herbergishúsgögnin sem foreldrar okkar gáfu okkur. Svaka fínt og nú er bara að byrja að sanka að sér pínku ponsu hlutum fyrir Stúart litla.

Jæja, skoða meira á netinu og svo draumlandið! Heyrumst :)